खै, किन आएन ?

सत्य सुन्दर सन्सारमा,खै जिउनै आएन
नसै नसाको जीन्दगी रे!खै पिउनै आएन
छातीभरी पीडा छँदा- डर्नै आएन
निसाँस्सिदो जीवन रैछ, तैर्नै आएन!

जानें,सिकें,बुझें,ठानें-भन्नै आएन
मानिसको दिल भित्र छिर्नै आएन
मृत्‍यु के हो?पापसँग डर्नै आएन
जीवन सँग के नै सिकें?मर्नै आएन!

तीर्थै-भुमी,देव-भुमी नेपालको गाँउ
विश्व भन्दा निक्कै माथि हिमालको ठांउ!
स्वयम्भूले आंखा चिम्ले,ब्रह्म-वोध शुद्ध!
बुद्ध भन्नु शिव रैछ,शिव भन्नु बुद्ध !

पार्टीलाई चन्दा दिँदै, गिर्नै आएन
बन्दूक र धम्की,गोली भिर्नै आएन
असुरक्षा,अपहरण-पिर्नै आएन
जनताको मुटु छुँदै, छिर्नै आएन!

मौसम आउँछ,फेरि जान्छ-फुल्नै आएन
फुलै फुलको बारी भित्र,झुल्नै आएन
तीर्थै तीर्थको नेपाललाई घुम्नै आएन!
प्यारा दिलका फुल्बारीलाइ चुम्नै आएन!

नियम र पीरेम-मा भुल्नै आएन
भाषा,धर्म,कर्तव्यमा फुल्नै आएन!
विवेकले संस्क्रितिमा रम्नै आएन
हिमचुलीको स्वश्थतामा जम्नै आएन!

- अनन्तगोपाल रिसाल (Feb 07,2010)