प्रवासमा बस्ने रहर् परदेशीको मन
बादल् पारी देश कहाँ, कस्तो हुन्छ भन?
उकाली र वरालीको मोडमा भेटियो
चौतारीको छहारीले थकाई मेटियो
बास्ना आउँछ संझनाको नाता साईनो पर्ने
देव-देवी भक्ती भाव मनै, मन गर्ने!
पानी मिठो स्वदेशको विदेशको बाटो
माया भन्नु यस्तै रै छ,घाम पानी माटो!
विश्व यौटै देश बन्यो,राष्ट्रहरु जिल्ला
राजधानी हिमाल होस्, जे जे त्यहाँ मिल्ला
घुम्दै फिर्दै संसारको दर्शन् गरी हेर
कहाँ,को को, दु:ख सुख होला यती खेर!
कला आफू स्वतन्त्र छ, संरक्षण गरुँ
साहित्यको निर्माण र ज्ञान घर छरुँ
सभ्यताको मर्म सेवा समाजको द्रष्टा
स्वच्छन्दको विचारमा दिग्विजयी श्रष्टा
गरीवको धन के हो? नाङ्गो सादा शुद्ध
जाँगर र मेहनत, हेर शिव बुद्ध!
ज्ञान ज्योति तेज दिन्छ चीसो गूफा न्यानो
धर्तीमा यो अलौकिक हिमाल छ छानो
काला खैरा गहुँ गोरा, योटै,मिल खाउ
धर्म जात बर्ग बर्ण मिलाएर जाउ
राहदानी ईश्वरको दानी सेवी बन
बास बस साँझ घर जहाँ बस्छ मन
सभ्य सौम्य संपदा र संस्कृतिको घेरा
विज्ञान र प्रविधिको विश्व सानो डेरा
उदारको जीवनमा डर के को? छैन
दिल खोज भित्र के छ?जात ठूलो हैन
राज-मार्ग बनुन् पर-देशलाई छुने!
योग्य मार्ग ठूलो सफा सबैलाई हुने
भौतिक र अध्यात्मलाई साझा मानी बाँच
निर्माणको उँचाइमा प्रेम-नियम् साँच
समाजमा समानता अर्थ नीति एक
ईश्वरको नजरमा सबै पूर्ण देख
धेरै भए देउ बाँड दया धर्म जे छ!
गाँस बास कपासै हो मरी लानु के छ?
जन समावेशी तन्त्र उद्द्योगको खाका
पहाड र तराईको हिमालको भाका
समाजमा मिलिवरी साटासाट माया
समून्द्रको पारी पुग्यौँ न्यानो घाम-छाँया
हिमालमा सृष्टी भयो सातै ऋषिजन
सातै द्वीप सागरले विभाजित मन
कोही शिव बुद्ध भज्छन् कृष्ण क्राईस्ठ जो
देवी सूर्य दिगँबरी सेवा अल्लाहको
जन्म सिद्ध कर्म सिद्ध संस्कारको धर्म
वैदिकी वा लोक-नीति सनातनी मर्म
जन जाति संस्क्रिति र मार्ग मीठा खाना
सभ्य कथा विभिन्नता संगीत् बाजा गाना
मानवको सं-रचना कार्य विभाजन
शिक्षा रक्षा ब्यापारमा कृषि संरक्षण
चारै वर्ण फूलबारी टोल गाउँ जिल्ला
यो धर्तीको बिचित्रता, ब्रह्माण्डमा मिल्ला?
विचारको सम्मान होस् खुसी जनजाती
सृजनाको आकासमा फूलौँ मन भाँती
मानवता दया प्रेम जोगिएको बँश
संसार यो ईश्वरको फूलबारी संझ
अनन्तगोपाल रिसाल- 22 Feb 2011
