नारी सम्मान् आन्दोलन, जारी- बाँकी छ!

नारी सम्मान् हुनै पर्छ,आदि-बासी जस्तै
ईश्वरको विधी हेर, किन छैन उस्तै?
आमा तिम्री दिदि बैनी, श्रीमतीका रुप
पानी शिक्षा चुल्हो खेती,दु:खमा छन् खूप

के पो गर्न सक्दैनन् यी राजनिति देखी
समाजका निर्माण र संविधान, सेखी
पुरुषले दवाएर अब बस्ने हैन   
आन्दोलन जारी हुन्छ विभेद छ,छैन?

ईज्जत र सम्मानले सँसारमा पुग्ने
बराबरी हक तिम्रो यौटै धोको लेख्ने  
खेती घर मिजासले न्याय दिन सक्छौ
आफू छाडी सन्तानको भलो तिमी देख्छौ!

दान,प्यार, समानता मन्दिरमा भेटी
राष्ट्र-वाद एकताको प्रेम मरीमेटी
रण दण्ड सेवा धर्म राजनीति बुझी     
रोपाँई र अन्न पात भर्छौ रुझी रुझी

गाउँ शहर्बाट अब आन्दोलन फूट्छ      
नारीजाती उर्लिएर मेला-बारी जुट्छ  
विश्वलाई हेरी सिक जाँगर र जोस  
दबिएर हैन, उठ, अधिकार खोस

नेतीहरु जाग अब आगामी र भूपु
दिदी बैनी भाउजु साली संधीनी र फूपु
सासू काकी भान्जी छोरी बुहारी र सँगी
परराष्ट्र पर्यटन सरकारी जँगी   

पेट पीठ निक्कै बोक्यौ मालिकको भारी
कला नाच संस्क्रितीको कूटो, चिया बारी
कल्पनाको असीमित प्रतिबिंव मूर्ति
सामन्जस्य समूहको सौदा ईछ्या शक्ति

तिम्रो मन उदार छ हिँसा रोक्न सक्छौ  
शान्ति धर्म उदारको चाहे गर्न सक्छौ
कोरीबाटी चिटिक्कले सिँगारीदेउ केश        
ह्रिदयमा ईश-राखी पाखूरीमा देश

ब्यवस्था र निर्माणमा अर्थ परिचालन्
पढाउने सिकाउने गर जन पालन्
कमजोरी नदेखाउ,आँट, सोच लुक्छ  
तिम्रै नेत्रित्वमा अब राष्ट्र माथि पुग्छ!

हामी तिम्रै भविश्य हौँ, काम थाँती छ!
नारी सम्मान् आन्दोलन, जारी बाँकी छ!  

- अनन्तगोपाल रिसाल [8th March 2011,Int'l Women's Day]
(Disclaimer:all the images referenced here are from Google search)